Një Nobel për Paqen e munguar në Ballkan

[Shkurtuar. Artikulli tërë mund të lexohet në gjuhën angleze duke shkuar në http://www.islamicpluralism.org/2116/the-nobel-peace-prize-and-the-eu-in-the-balkans].

Laureati i çmimit "Nobel" për vitin 2012, Bashkimi Evropian u lavdërua nga Komiteti përzgjedhës norvegjez se "ka kontribuuar në konsolidimin e paqes, pajtimit, demokracisë dhe të drejtave të njeriut në Evropë". Mes sukseseve të shumta, norvegjezët gjithashtu e kanë vlerësuar BE-në për disa arritje të supozuara në Ballkan. Dhe e kanë bërë këtë gjë në një mënyrë që duket thjesht si e pandershme.

Flamuri i Republikës së Kroacisë.

Deklarata për shtyp e komitetit nënvizonte se "pranimi i Kroacisë si anëtar vitin që vjen, hapja e negociatave të anëtarësimit me Malin e Zi dhe dhënia e statusit të vendit kandidat Serbisë, kanë fuqizuar procesin e pajtimit në Ballkan". Aplikimi për në BE i Kroacisë, bërë në vitin 2003, u ngadalësua nga çështje të karakterit gjeografik, ekonomik, ligjor etj., të trashëguara nga ish-sistemi komunist jugosllav. Shumëçka mbetej për t'u reformuar pas përfundimit të ofensivës serbe në vend, e cila dështoi me ndihmën e SHBA-ve në vitin 1995. Por politikanët më të njohur gjermanë, jo më vonë sesa mesi i tetorit, kanë shprehur rezerva sa i përket hyrjes së Kroacisë në BE. Ajo çfarë norvegjezëttë cilët nuk janë në BE-supozojnë si të mirëqenë për Kroacinë, mund edhe të mos ndodhë, pas 10 vjet pritjeje.

Flamuri i Malit të Zi.

Negociatat e BE-së me Malin e Zi përfaqësojnë një detaj problematik në panoramën rajonale. BE-ja nuk ka kontribuar fare, përveçse duke pranuar nën zë adoptimin e njëanshëm nga Mali i Zi të euros si monedhë të vetën në funksion të përmirësimit të gjendjes së popullsisë. Edhe pse ka fituar sovranitetin e plotë, Mali i Zi është i varfër dhe me stabilitet të brishtë. Një pjesë e madhe e industrisë turistike të tij në bregdetin Adriatik zotërohet nga rusët teksa konflikti mes shumicës sllave dhe pakicës shqiptare ka ricikluar tensione ndonëse jo shumë të dhunshme. Gjithsesi, në ndryshim nga Serbia e cila refuzon njohjen e Kosovës, Mali i Zi vendosi marrëdhënie diplomatike me këtë të fundit disa muaj pas deklaratës së pavarësisë në vitin 2008...

Mali i Zi, përveç korrupsionit endemik që e përshkon, ka dështuar në garantimin e lirisë së shtypit që është konsideratë parësore për pranimin në BE. Trajtimi i dëshirës së nxehtë për të pranuar Serbinë, nxitëse e luftërave mizore në Ballkan dy dekadat e shkuara, ndonëse burim krenarie për BE-në, po zbehet në mënyrë domethënëse. Serbia tashmë qeveriset nga Tomislav Nikoliç, një ish-bashkëpunëtor i Vojisllav Sheshelit.

Aspekti më shqetësues i vlerësimit që Komiteti Norvegjez për Nobelin i bëri aktiviteteve të BE-së në Ballkan ishte mungesa në motivacionin e Çmimit të Paqes e përmendjes së dy vendeve, të cilat qëkurse Jugosllavia filloi të krisej në vitin 1990, kanë qenë subjekte të moniotorimit më të rreptë nga ana e BE-së. Këto janë Bosnje-Hercegovina dhe Kosova. Falë BE-së, Bosnje- Hercegovina do të mbetet përherë formalisht e ndarë.

Flamuri i Republikës së Bosnje-Hercegovinë.

Sipas "The Economist" ajo mban vendin e tretë në botë në rrjedhjen e trurit. Me një popullsi prej 3.8 milionë banorësh, papunësia arrin në 44% në vitin 2011. Muzeu Kombëtar, që mban brenda Haggadahun e Sarajevës, një dorëshkrim mbi 500-vjeçar hebre, simbol i bashkëpunimit ndërfetar boshnjak...u mbyll.

Pullë të lëshuar nga Republika e Bosnje-Hercegovine nderuar Haggadah Sarajevës.

Kosova gjithashtu ka shumë pak se çfarë të tregojë sa i përket operacioneve të zgjatura të agjencive të BE-së që janë autoritetet e vërteta mbi republikën e zgjedhur nga qytetarët. Veriu i Mitrovicës është e facto i ndarë dhe i pushtuar nga strukturat paralele ilegale serbe që përfshijnë milicinë e parregullt, apo edhe policë dhe zyrtarë politikë që hyjnë nga Serbia. Sipas librit të fakteve të CIA-s, papunësia në Kosovë shkon në 45% në vitin 2011. Edhe njëherë burimet vendase pretendojnë shifër më të lartë.

Flamuri i kombit shqiptar.

Ja sesi përshkruhet abuzimi i qeverisë së Kosovës nga lëvizja "Vetëvendosje": Në 30 shtator aktivistët e Vetëvendosjes organizuan një aksion simbolik me synim vënien në pah të kostos marramendëse të vizitës së delegacionit kosovar në Asamblenë e Përgjithshme të OKB-së. Ajo u vlerësua se ka kushtuar 200 000 euro nga fondet publike".

Korrupsioni është i gjithë pranishëm, pakënaqësia po përhapet dhe agjitatorë radikalë kanë depërtuar në drejtimin e komunitetit mysliman në të dyja vendet. Nisur nga ky dështim flagrant i "humanizmit" të BE-së në këto dy vende është e qartë se përse ato nuk duheshin përmendur në përlavdërimin e Komitetit Norvegjez të Nobelit. Është e turpshme dhe dëshmon më së miri kapacitetin e këtij komiteti për vetëmashtrim.

Tema të ngjashme: Albanian Muslims, Bosnian Muslims, European Muslims, Kosovo, Montenegro, Muslim-Jewish Relations receive the latest by email: subscribe to the free center for islamic pluralism mailing list

Note: The content of external articles does not necessarily reflect the views of Center for Islamic Pluralism.